"හදවතින්ම දරුවන්ට" - දාබරේ මාවතේ දරුවන්ට අධ්‍යාපනික උපකරණ ලබාදීම
දිනය: 2021-01-31
ස්ථානය: දාබරේ මාවත, නාරාහේන්පිට
ව්‍යාපෘතිය: හදවතින්ම දරුවන්ට
කටයුත්ත: පාසල් අභ්‍යාස පොත්, බෑග්, වවුචර් සහ පුස්තකාල පොත් ලබාදීම
2021 වසර අවසන් කරමින් නව වසරට පා තබන දාබරේ මාවතේ පුංචි දරුවන්ගේ අධ්‍යාපනයට යම් ශක්තියක් ලබාදීමේ අරමුණින් "හදවතින්ම දරුවන්ට" වැඩසටහන යටතේ මෙම කටයුත්ත සංවිධානය කළා.
සෑම දරුවෙකුටම SPC අභ්‍යාස පොත් කට්ටලයක් සමග පාසල් බෑගයක් ලබාදීමට කටයුතු කළා. එයට අමතරව වසර පුරා නාරාහේන්පිට SPC අලෙවිසලෙන් වට්ටම් සහිතව පොත් ලබාගැනීමට හැකි වවුචර් පත්ද දරුවන්ට ප්‍රදානය කළා. එක් දිනක ලබාදෙන පොත් කට්ටලයකට පමණක් මෙම සහය සීමා නොකර, ඉදිරි කාලයේදීත් ඔවුන්ගේ අධ්‍යාපන අවශ්‍යතා සඳහා යම් පහසුවක් ලබාදීම එහි අරමුණ වුණා.
SPC අනුග්‍රාහකත්වයෙන් පුස්තකාලයක් සඳහා අවශ්‍ය පොත් කට්ටලයක්ද මෙහිදී ලබාදුන්නා. එම පොත් පදනම් කරගෙන දරුවන් සඳහා කුඩා පුස්තකාලයක් ගොඩනගා, ඔවුන් අතර කියවීමේ පුරුද්ද සහ පොත් පිළිබඳ උනන්දුව වැඩිදියුණු කිරීම කෙරෙහිද අපගේ අවධානය යොමු වුණා.
මට මෙය පොත් සහ බෑග් බෙදාදීමක් පමණක් නොවෙයි. දරුවෙකුට අධ්‍යාපනයට අවශ්‍ය පහසුකමක්, පොතක් කියවීමට අවස්ථාවක් සහ ඉදිරියට යාමට කුඩා හෝ දිරිගැන්වීමක් ලබාදීම ඔවුන්ගේ අනාගතයට කරන ආයෝජනයක් ලෙසයි මම සැලකුවේ.
මේ දරුවන් අධ්‍යාපනයෙන් ඉදිරියට ගොස් අනාගතයේ රටට වැඩදායි පුද්ගලයන් බවට පත්වේවා යන්න එදා මගේ පැතුම වුණා. අදත් ඒ පැතුම එලෙසමයි.
සංවාදයට එක්වන්න.