කොවිඩ් සමයේ හබරකඩ අවට පවුල් සඳහා වියළි ආහාර ද්‍රව්‍ය බෙදාදීම
දිනය: 2021-06-18
ප්‍රදේශය: හබරකඩ සහ අවට ප්‍රදේශ
ව්‍යාපෘතිය: කොවිඩ් සහන වියළි ආහාර ද්‍රව්‍ය බෙදාදීම
2021 වසරේ කොවිඩ් වසංගතය හේතුවෙන් සංචරණ සීමා සහ අනෙකුත් දුෂ්කරතා පැවති කාලයේ, හබරකඩ සහ ඒ අවට ප්‍රදේශවල අවශ්‍යතා ඇති පවුල් සඳහා වියළි ආහාර ද්‍රව්‍ය ලබාදීමට අපට හැකි වුණා.
අවශ්‍ය ආහාර ද්‍රව්‍ය වෙන වෙනම මලු ලෙස සකස් කර, ඒවා වාහනයකින් රැගෙන ගොස් අදාළ පවුල් වෙත ලබාදීමට කටයුතු කළා. එම කාලයේ පැවති සෞඛ්‍ය අවදානම සැලකිල්ලට ගනිමින් මුහුණු ආවරණ භාවිත කරමින් මෙම කටයුත්ත සිදු කළා.
කොවිඩ් සමයේ මා සිදු කළ සහන කටයුතුවල මූලික අරමුණ වූයේ හැකි පමණින් අවශ්‍යතාව ඇති පිරිස වෙත සෘජුවම උපකාරයක් ලබාදීමයි. හබරකඩ අවට සිදු කළ මෙම වියළි ආහාර ද්‍රව්‍ය බෙදාදීමද එම අරමුණ යටතේ සිදු කළ තවත් එක් කටයුත්තක්.
විශාල වැඩසටහනක් ලෙස නොව, අපට හැකි පමණින් අප අවට ජීවත් වූ පිරිසගේ අසීරු අවස්ථාවක ඔවුන් සමග සිටීමට ගත් උත්සාහයක් ලෙස මෙම දිනය මගේ සමාජ සේවා ගමනේ සටහන් වෙනවා.
සංවාදයට එක්වන්න.