ITN ඩිජිටල් මාධ්‍ය කණ්ඩායම සමග අත්දැකීම් හුවමාරු කරගැනීම
දිනය: 2020 ජනවාරි 23
ස්ථානය: ස්වාධීන රූපවාහිනී සේවය (ITN)
ITN ආයතනයේ සභාපතිතුමන්ගේ ඉල්ලීම පරිදි, එහි ඩිජිටල් මාධ්‍ය අංශයේ කණ්ඩායම සමග මගේ අත්දැකීම් සහ දැනුම හුවමාරු කරගැනීම සඳහා මෙම සාකච්ඡාවට සහභාගී වුණා.
වසර ගණනාවක් වෙබ් අඩවි නිර්මාණය, ඩිජිටල් මාධ්‍ය සහ අන්තර්ජාලය ඔස්සේ තොරතුරු ඉදිරිපත් කිරීම සම්බන්ධයෙන් මා ලබාගෙන තිබූ ප්‍රායෝගික අත්දැකීම් මෙහිදී කණ්ඩායම සමග බෙදාගැනීමට අවස්ථාව ලැබුණා. ඩිජිටල් මාධ්‍ය භාවිතය, වෙබ් අන්තර්ගතය සහ අන්තර්ජාලය ඔස්සේ ප්‍රේක්ෂකයන් වෙත ළඟාවීම පිළිබඳව අදහස් හුවමාරු කරගත්තා.
මෙම හමුවේදී ITN වෙබ් අඩවියද තිරය මත ප්‍රදර්ශනය කරමින් කරුණු සාකච්ඡා කළ අතර, කණ්ඩායමේ සාමාජිකයන් සමග ප්‍රායෝගික අත්දැකීම් මත පදනම් වූ සංවාදයක් පැවැත්වුණා.
මගේ වෘත්තීය ජීවිතය තුළ වසර ගණනාවක් ලබාගත් ඩිජිටල් සහ වෙබ් මාධ්‍ය අත්දැකීම් ජාතික රූපවාහිනී ආයතනයක ඩිජිටල් මාධ්‍ය කණ්ඩායමක් සමග බෙදාගැනීමට ලැබුණු අවස්ථාවක් ලෙස මෙය මගේ වෘත්තීය ගමනේ මතකයේ රැඳුණු අවස්ථාවක්.
සංවාදයට එක්වන්න.