"රට යන අත 2020?" විද්වත් කතිකාවතට සහභාගී වීම

දිනය: 2019-07-14
ස්ථානය: වාරියපොල, කුරුණෑගල
සංවිධානය: World Patriotic Lankan Forum - දේශප්‍රේමී ශ්‍රී ලාංකීය සංසදය

2019 ජූලි 14 දින කුරුණෑගල වාරියපොලදී පැවති "රට යන අත 2020?" විද්වත් කතිකාවතට සහභාගී වීමට මට අවස්ථාව ලැබුණා. දේශප්‍රේමී ශ්‍රී ලාංකීය සංසදයේ සභාපති වසන්ත කීර්තිරත්න මහතාගේ ආරාධනයෙන් මෙම වැඩසටහන සංවිධානය කර තිබුණා.

රටේ ඉදිරි ගමන් මග පිළිබඳ විවිධ අදහස් හා මතවාද සාකච්ඡාවට ලක් කිරීම මෙම කතිකාවතේ ප්‍රධාන අරමුණ වුණා. එවකට රියර් අද්මිරාල් සරත් වීරසේකර මහතා, විශ්‍රාමික මේජර් ජනරාල් කමල් ගුණරත්න මහතා සහ මහාචාර්ය චන්න ජයසුමන මහතා ඇතුළු පිරිසක් මෙම අවස්ථාවට සහභාගී වූ බව මගේ එදා සටහන්වල සඳහන් වෙනවා.

විශාල පිරිසක් සහභාගී වූ මෙම වැඩසටහන මගේ සමාජ හා පොදු කටයුතු සම්බන්ධ ගමනේ තවත් මතකයක්. විවිධ ක්ෂේත්‍ර නියෝජනය කළ පුද්ගලයන්ගේ අදහස් අසා ගැනීමටත්, ඔවුන් සමග හමුවීමටත් එහිදී අවස්ථාව ලැබුණා.

ඡායාරූපවලින් එදින පැවති විද්වත් කතිකාවත, එහි විශාල සහභාගීත්වය සහ එම අවස්ථාවේ මගේ මිතුරන් හා හිතවතුන් සමග ගත කළ අවස්ථා සටහන් වෙනවා.