ලෙල්ලුපිටිය අභයතිස්ස විද්‍යාලයේ පානීය ජල ගැටලුවට විසඳුමක්
දිනය: 2024 අප්‍රේල් 07
ස්ථානය: ලෙල්ලුපිටිය අභයතිස්ස විද්‍යාලය
ක්‍රියාත්මක කිරීම: Isura Wickramarachchi Foundation
මූල්‍ය අනුග්‍රහය: We11 Cricket Team - Qatar
ලෙල්ලුපිටිය අභයතිස්ස විද්‍යාලයේ කාලයක් තිස්සේ පැවති පානීය ජල ගැටලුවට විසඳුමක් ලබාදීම සඳහා මෙම ව්‍යාපෘතිය ක්‍රියාත්මක කරන ලදී. ව්‍යාපෘතිය සඳහා අවශ්‍ය මූල්‍ය අනුග්‍රහය කටාර්හි We11 Cricket Team විසින් ලබාදුන් අතර, Isura Wickramarachchi Foundation මගින් එය ක්‍රියාත්මක කරන ලදී.
පාසලට ජලය ලබාගැනීම සඳහා කන්ද මුදුනේ පිහිටි ස්වභාවික දිය උල්පත් දෙකක් භාවිතා කිරීමට සැලසුම් කළෙමු. එම උල්පත්වලින් ලැබෙන ජලය එක්රැස් කිරීම සඳහා කන්ද මුදුනේ විශාල සිලින්ඩර් තුනක් ස්ථාපනය කර, එහි එකතු වන ජලය නළ මාර්ගයක් ඔස්සේ පාසල වෙත ගෙන ඒමට අවශ්‍ය පද්ධතිය සකස් කරන ලදී.
මෙහි අසීරුම කොටස වූයේ ජල මූලාශ්‍ර පිහිටි ස්ථානයට අවශ්‍ය ද්‍රව්‍ය රැගෙන යාමයි. ගල්වලින් පිරුණු දුෂ්කර කන්දක ඉහළට විශාල සිලින්ඩර්, නළ සහ අනෙකුත් උපකරණ රැගෙන යාමට සිදු විය. ඒ නිසා මෙය දින දෙකක් පුරා සිදු කළ විශාල මෙහෙයුමක් බවට පත්විය.
අවසානයේ එම සියලු මහන්සියේ ප්‍රතිඵලය පාසලේ කරාමයෙන් ජලය ගලා එන ආකාරයෙන් දැකගැනීමට හැකි විය. දරුවන්ගේ මූලික අවශ්‍යතාවක් වූ පානීය ජලය සඳහා ප්‍රායෝගික විසඳුමක් ලබාදීමට හැකිවීම මෙම ව්‍යාපෘතියේ සැබෑ වටිනාකමයි.
මෙම කාර්යය සාර්ථක කරගැනීමට අවශ්‍ය මූල්‍ය ශක්තිය ලබාදුන් කටාර්හි We11 Cricket Team වෙත විශේෂ ස්තුතිය හිමිවිය යුතුය. ශ්‍රී ලංකාවෙන් පිටත සිටින පිරිසකගේ සහයෝගය, ශ්‍රී ලංකාවේ පාසල් දරුවන්ගේ සැබෑ අවශ්‍යතාවක් විසඳීමට යොදාගත් වටිනා සමාජ සේවා ව්‍යාපෘතියක් ලෙසද මෙය මගේ ගමනේ විශේෂ ස්ථානයක් ගනී.
සංවාදයට එක්වන්න.